Атнарти пĕтĕмĕшле вăтам пĕлÿ паракан шкули ачасем çене çул умен ватă çынсене хисеплесе, сума суса Березовкăри ваттисен çуртне концерт программипе кайрĕç. «Хоровой» кружока çурекеньсем Г.В.Орлов ертсе пынипе тĕрлĕрен юрă шăрантарчĕç : «Детство», «Дарите музыку», «Про папу», «Песенка капель»… 6 класс ачисем йĕркеленĕ пуканесен театрĕ «Колобок» юмахне кăтартрĕ.

Уяв ячĕпе чун-чĕререн саламласа ырлăх-çитлĕх, ватлăх кунĕсенче канлĕх, çамрăксенчен пысăк тимлĕх сунчĕ. Ачасене ват çынсене ырă та ăшă сăмахпа чунĕсене йăпатма, ырă ĕçсемпе пулăшма чĕнсе каларĕ. Ватăсем чĕререн тухакан тав сăмахĕ каларĕç. Ачасене шкулта лайăх вĕренме, ырă çын пулма халаларĕç.