Республика шайĕнче Петĕр Хусанкай çуралнăранпа 110 çул çитнине халалланă «Хастарлӑх çăлкуçĕ» видеосăвăсен конкурсĕ иртрĕ. Пĕтĕмпе конкурса 618 ĕç тăратнă, çавăнпа та конкурса йĕркелекенсем ĕçе икĕ тапхăра пайларĕç. Конкурса пирĕн шкултан икĕ вĕренекен, Смирнова С. тата Данилова Н., хутшăнчĕç. Данилова Н. «Савнă çĕр, Чăваш çĕр-шывĕ» сăвă вуласа чи лайăх 10 вулакансен ушкăнне кĕме пултарчĕ. Пуш уйăхĕн 25-мĕшĕнче Н. Шупашкара кайма тивĕç пулчĕ. Пултаруллă ачасене вĕренÿ министрĕ Юрий Исаев, П.Хусанкай ывăлĕ Атнер Хусанкай, «Сувар» хаçат редакторĕ К. Малышев, Чăваш халăх сайчĕн тĕп администраторĕ Н.Плотников, YouTube-ри «Шкул ТВ» канал йĕркелевçи В.Андреев, «Сувар ТВ» йĕркелевçи У.Цыпоенков чысланă. Н.Данилова вырăн йышăнайман пулсан та парнепе тата тулли кăмăлпа таврăнчĕ. Пурте эпир ăна пысăк çитĕнÿсем тума сывлăх, хастарлăх сунатпăр.