«Чӑвашӑмсем! Сире телей сунатӑп,

                                                                                         Ан сивӗнӗр тӑван чӗлхемӗртен.

                                                                                                Мансан – чӗлхесӗр янавар пулатпӑр

                                                                                                    Чӗлхе пулсан – пӗтместпӗр ӗмӗрне!...»

Р. Сарпи

        Халӑхӑн йӑли – йӗрки, юрри - ташши ӗмӗртен ӗмӗре куҫса пырать. Пурнӑҫ та шав малалла шӑвать, улшӑнать. Халӑх пуянлӑхне малалла аталантарас, унӑн пуян та ҫепӗҫ чӗлхине упраса хӑварас тӗллевпе республика шайӗнче иртекен «Туслӑх хӗлхемӗ» фестиваль - конкурс кӗҫӗн классене тӑваттӑмӗш хут пуҫтарчӗ. Тӑватӑ тӗрлӗ номинаципе иртрӗ вӑл.

       Чутай енӗн пултаруллӑ ачисем    ҫак  мероприятие пӗтӗм кӑмӑлтанах  хутшӑнни палӑрчӗ. Хитре тӗрӗ-эрешлӗ чӑваш тумӗ тӑхӑннӑ ачасем    жюри членӗсене чуна уҫакан юрӑ-ташӑпа савӑнтарчӗҫ, чӑваш вӑййи-куллипе тыткӑнларӗҫ, тӑван чӗлхери сӑмах илемӗпе чуна ҫӗклерӗҫ. 

      Конкурсра ҫӗр пин юрӑ, ҫӗр пин сӑмах ҫӗр-шывне чунтан кӑмӑллакансен пултарулӑхӗ ҫӑл куҫ пек тапса тӑни сисӗнчӗ. Чӑн-чӑн чӑваш чунлӑ, пултаруллӑ ачасемпе тӑрӑшуллӑ вӗрентекенсем хутшӑнма кӑмӑл туни паянхи кун уйрӑмах савӑнтарать.

      Пӗчӗккӗ пулин те, эпир те пӗрремӗш хут фестиваль-конкурса хутшăнтӑмӑр. Уява тĕплĕн хатĕрлентĕмĕр.  Тӑрӑшни сая каймарӗ.  «Сӑмах илемӗ» (поэзи) номинацире Данилова Каролина  2-мӗш  вырăна тухма пултарчӗ.   Питĕ пултаруллă та ăста каласа пачĕ вӑл В. Тарават çырнӑ «Ҫӗнук» сӑвва. «Сӑмах илемӗ» (проза) номинацире  вара  3-мӗш  вырăна тухрӗ.  Ку хутӗнче вӑл З. Нестерова ҫырнӑ «Кишӗр – мишӗр» юмаха   каласа пачӗ.  

       Маттур, Каролина! Малашне те пысăк çитĕнÿсем тума сĕнетпĕр сана!                    

«Чӑваш сӑвви – юррине,

Атте – аннемӗр чӗлхине

Пуҫа таяр, хисеплер,

Ҫӳлтен- ҫӳле шав ҫӗклер!...»